Лукашэнка ледзь спусціўся па трапе самалёта ў Пакістане

• 27.11.2024, 8:42

Дыктатар з цяжкасцю пераадолеў некалькі прыступак.

Падчас візіту ў Ісламабад (Пакістан) Аляксандр Лукашэнка ледзь спусціўся па трапе самалёта. Пры гэтым дыктатар сутаргава трымаўся за парэнчы і прыкметна кульгаў.

Гэты момант паказалі ў эфіры пакістанскай тэлевізіі.

На відэа патрапіла, як Аляксандр Лукашэнка падчас спуску па трапе хапаецца за парэнчы і з цяжкасцю пераадольвае некалькі прыступак.

Нагадаем, што візіт Лукашэнкі ў Пакістан супаў з масавымі пратэстамі. Учора пратэстоўцы ўвайшлі ў сталіцу Пакістана Ісламабад, нягледзячы на заслоны паліцыянтаў.