Амбасадар Літвы ў NATO: Францыі не патрэбная згода альянсу, каб адправіць свае войскі ва Украіну

• 27.11.2024, 11:59

Да ініцыятывы могуць далучыцца і іншыя краіны.

У Літве падтрымліваюць ідэю Францыі наконт магчымай адпраўкі войскаў ва Украіну.

Пра гэта заявіў амбасадар Літвы ў NATO Дэйвідас Матульёніс, паведамляе "Радыё Свабода".

“Гэта могуць быць Нацыянальныя пастановы, група краін, кааліцыя, якая жадае далучыцца да гэтай ініцыятывы. Тут не абавязкова мець Узгадненне або пазнаку NATO", - сказаў дыпламат.

Ён адзначыў, што гэта пакуль “толькі ідэя”, і розныя краіны маюць з гэтай нагоды розныя пазіцыі.

“Гэта паслядоўная французская пазіцыя. Мы заўсёды станоўча ставіліся да гэтага”, - дадаў пасол.

Матульёніс не выключыў, што такую дыскусію могуць падняць міністры замежных спраў NATO на сустрэчы ў Брусэлі на наступным тыдні:

"Ад іх, перш за ўсё, залежыць працэс падрыхтоўкі войскаў і, магчыма, некаторыя краіны рана ці позна далучацца”.

У канцы лютага 2024 года прэзідэнт Францыі Макрон заявіў, што нельга выключаць верагодную адпраўку заходніх войскаў ва Украіну. Пасля ён дадаў, што яго рэзанансныя словы былі старанна прадуманыя.