Курсы даляра і еўра ўзялі чарговыя псіхалагічныя адзнакі

• 27.11.2024, 14:50

На таргах 27 лістапада беларускі рубель прадоўжыў падзенне.

27 лістапада на таргах Беларускай валютна-фондавай біржы даляр зноў падаражэў і ўстанавіў чарговы гістарычны максімум у дачыненні да беларускага рубля.

Даляр падаражэў на 1,74% — да 3,533 рубля. Апошні раз даляр устанаўліваў гістарычны максімум учора, 26 лістапада.

Еўра падаражэў на 1,98% — да 3,725 рубля.

Расейскі рубель патаннеў на 0,67% - да 3,3073 рубля за 100 Расейскіх рублёў.

Юань стаў даражэйшым на 0,91% - да 4,8508 рубля за 10 юаняў.