The Economist назваў страты УСУ ў вайне з Расеяй

• 27.11.2024, 17:37

Яны непараўнальныя з расейскімі.

З пачатку поўнамаштабнага ўварвання Расеі ва Украіне маглі загінуць не менш за 60-100 тысяч украінскіх вайскоўцаў, яшчэ 400 тысяч - атрымалі цяжкія раненні і больш не могуць ваяваць, піша The Economist са спасылкай на справаздачы выведак, аналітыкаў і чыноўнікаў.

Выданне падкрэслівае, што лічбы вельмі цяжка праверыць незалежна. Ацэнкі грунтуюцца на звестках са справаздач або раздрукаваных справаздач выведвальных агенцтваў, службовых асоб Міністэрства абароны, даследчыкаў і выведзвестак з адкрытых крыніц.

Указаныя страты, імаверна, не ўключаюць салдат, якія прапалі без вестак, паказвае The Economist.

Таксама аналітыкі спасылаюцца на звесткі сайта UA losss, які сцвярджае, што з 24 лютага 2022 года загінула не менш за 60 435 украінскіх жаўнераў. Згодна з падлікамі, больш за 0,5% даваеннага насельніцтва Украіны мужчын баяздольнага ўзросту (18-49 гадоў) былі забітыя ў выніку ўварвання РФ.

Паводле звестак Генштаба УСУ на 27 лістапада, краіна-агрэсарка з 24 лютага 2022-га страціла ва Украіне прыблізна 735 410 вайскоўцаў забітымі і параненымі, амаль 1580 з іх - за апошні дзень.