Стала вядома, на колькі беларусам абыдзецца набыццё навагодняй ялінкі

• 27.11.2024, 20:15

Старт елачных продажаў пазначаны арыентавальна на 18 снежня.

Напярэдадні навагодніх святаў у МАРГ расказалі пра чаканы кошт елак, карнавальных строяў і салодкіх падарункаў.

Старт елачных продажаў у Беларусі пазначаны арыентавальна на 18 снежня. Спачатку прадаваць зялёныя сімвалы Новага года пачнуць у Берасцейскай вобласці, потым – і ў астатніх рэгіёнах.

Усяго ж у краіне будзе працаваць блізу 590 ёлачных кірмашоў.

Прыкладныя раздробныя кошты елак:

да 50 см – Br5

да 1 м – Br13

да 2 м – Br16

да 3 м – Br23.

«Кошт жа елак у кадцы стартуе ад Br28, букеты з галінак заважаць мінімум на Br4», – расказала кіраўніца ўправы арганізацыі гандлю і грамадскага харчавання МАРГ Наталля Мельнікава.

Штучныя хваёвыя нашмат даражэйшыя: імітацыя невялікага дрэва вышынёй да метра можа абысціся ад Br6 да Br200, а кошт пяціметровай ялінкі можа даходзіць да некалькіх сотняў рублёў, указалі прадстаўнікі МАРГ.

Строі для карнавалу можна набыць мінімум за Br11, верхняя планка кошту – на ўзроўні Br380.

Сярэднія кошты салодкіх падарункаў чакаюцца ў дыяпазоне ад Br9,5 да Br100. Кошт шампанскага – ад Br8 да Br20.