Мокры снег чакаецца ў Беларусі 28 лістапада

• 27.11.2024, 21:17

Будуць начныя замаразкі.

Мокры снег і начныя замаразкі да мінус 5 чакаюцца ў Беларусі 28 лістапада. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У Беларусі будзе перавага воблачнага надвор'я. Уначы месцамі чакаюцца кароткачасовыя ападкі, днём на большай частцы тэрыторыі краіны пройдуць ападкі (дождж, мокры снег, снег). Месцамі будуць слабы туман і галалёд, днём у асобных раёнах наліпанне мокрага снегу. На асобных адрэзках дарог галалёдзіца. Вецер паўднёвай чвэрці 4–9 м/с, днём месцамі па захадзе парывы да 14 м/с.

Тэмпература паветра ўначы складзе ад мінус 1 да плюс 4 градусаў, па ўсходзе да 5 градусаў марозу. Днём слупок тэрмометра будзе ў межах 0–6 градусаў вышэй за нуль.