У Крыме абвяшчалі трывогу

• 27.11.2024, 21:22

Расейцы заявілі пра выбухі ў Севастопалі і Саках.

Увечары 27 лістапада ў Крыме прагрымелі выбухі. Расейцы заявілі пра ракетны напад на паўвостраў.

Пра гэта паведамляе РБК-Украіна са спасылкай на акупацыйнага «губернатара» Севастопаля Міхаіла Разважаева і Telegram-канал «Крымскі вецер».

Паводле словаў Разважаева, у Крыме абвяшчалі сігнал паветранай трывогі з 19-й да 19.10. Ён не ўдакладніў прычыну.

Аднак маніторынгавыя каналы сталі паведамляць пра серыю выбухаў на паўвостраве. Сярод іншага, пра выбухі заяўлялі жыхары Сакскага раёна. Таксама, верагодна, выбух адбыўся ў Керчы.

У Севастопалі таксама раздаваліся гукі выбухаў. Паводле звестак «Крымскага ветру», у горадзе спынялі рух наземнага грамадскага транспарту.

Варта зазначыць, што расейцы ўжо абвясцілі пра нібы ўдалую працу свайго СПА і збіццё ўсіх невядомых цэляў.