Даляр і еўра прабілі псіхалагічныя адзнакі

• 27.11.2024, 21:08

Беларускі рубель слабее кожны дзень, але на гэты раз скачок быў занадта рэзкім.

27 лістапада даляр паставіў чарговы рэкорд.

«Амерыканец» дадаў адразу 6 (!) капеек. Еўра таксама на піку – плюс склаў адразу 1,98%, а гэта больш за 7 капеек.

Такім чынам, на біржы склаліся наступныя курсы валютаў:

даляр – Br3,533

еўра – Br3,725

расейскі рубель – Br3,3073 (за ₽100)

юань – Br4, 8508 (за ¥ 10).

Фінансавыя аналітыкі заяўляюць, што ўся рэч у курсе расейскага рубля, ад якога залежыць беларускі.

Паколькі ў Расеі даляр каштуе ўжо больш за ₽113, што блізка да гістарычнага максімуму, то і беларускі рубель пасунуўся.

Усяго ж з пачатку лістапада валюта ЗША падаражэла на 21 капейку. Таксама эксперты адзначаюць, што рост даляра звязаны з вынікамі прэзідэнцкіх выбараў у Злучаных Штатах Амерыкі.