Сірыйская ўзброеная апазіцыя пачала наступ на Алепа

• 28.11.2024, 11:31

Абвешчаная мабілізацыя.

У Сірыі пачаўся маштабны наступ узброенай апазіцыі на пазіцыі войска дыктатара Башара Асада ў правінцыі Алепа. Апазіцыйныя войскі, якія атрымліваюць падтрымку Турцыі, ужо захапілі некалькі населеных пунктаў, а таксама два танкі сірыйскага войска.

Наступ стаў першым вялікім наступам апазіцыйных сіл за апошнія чатыры гады. Пра гэта паведамляюць мясцовыя Telegram-каналы.

У адказ на атакі сірыйскае войска супольна з расейскімі вайскоўцамі падняла авіяцыю для нанясення удараў па пазіцыях паўстанцаў. Аднак апазіцыя актыўна выкарыстоўвае ПЗРК (пераносныя зенітна-ракетныя комплексы), наносячы значныя страты расейскім самалётам.

Сілы апазіцыі, уключаючы фракцыю Хаят Тахрыр аш-Шам (ХТС), паспяхова прасоўваюцца да Алепа. Яны ўжо вызвалілі некалькі стратэгічных гарадоў, сярод якіх Андзара, Эль-Хота і Кафр-Бісін, і знаходзяцца ўсяго за 7,5 км ад усходніх ваколіц Алепа. Ужо абвешчаная мабілізацыя дадатковых сіл для наступу на горад.