У Беларусі з'явілася новая гандлёвая сетка

• 28.11.2024, 17:27

Першая крама з'явілася ў Светлагорску.

У Беларусі з'явілася гандлёвая сетка Pole Kvetak. Ёй кіруе Аршанскі льнокамбінат. Пра гэта паведамляецца ў тэлеграм-канале прадпрыемства.

Першую краму сеткі адкрылі 23 лістапада ў Светлагорску. А 28 лістапада зарабіў пункт у Ваўкавыску. Сетка атрымала назву брэнда «Поле Кветак» (такая ж назва была ў фестывалю лёну, які прайшоў летам у Воршы).

30 лістапада сетка адкрые краму таксама ў Калінкавічах. Да канца года плануецца адкрыць усяго шэсць крамаў, гэта значыць, пашырыць яе на Ліду, Слуцк, Салігорск і Кобрын.

Яна аб'ядноўвае спецыялізаваныя крамы, дзе прадаюць ільняны тэкстыль, вытворчасці Аршанскага льнокамбіната, а таксама Баранавіцкага вытворчага баваўнянага аб'яднання, якому належыць брэнд «Блакiт».

Аршанскі льнокамбінат таксама звязаны з іншай актыўна развіванай сеткай - «Да дому».