Леброн Джэймс узняўся на другое месца ў колькасці перамог у НБА

• 28.11.2024, 20:25

Легендарнаму баскетбалісту не стае 69 вікторый да абсалютнага рэкорду.

Нападнік «Лос-Анджэлес Лэйкерз» Леброн Джэймс атрымаў сваю 1159-ю перамогу ва ўсіх матчах Нацыянальнай баскетбольнай асацыяцыі (НБА), уключаючы плэй-оф.

Гэта здарылася ў паядынку рэгулярнага чэмпіянату супраць «Сан-Антоніа Сперс». «Лэйкерс» перамог з лікам 119:101 (32:23, 26:24, 34:30, 27:24).

Леброн зарабіў 16 балаў, зрабіў 10 падбораў, аддаў 11 перадачаў і 5 разоў страціў мяч. Таксама ў яго 8 з 18 дакладных кідкоў з гульні.

Легендарны баскетбаліст цяпер займае другое месца ў колькасці перамог у рэгулярным чэмпіянаце і плэй-оф НБА. Джэймс апярэдзіў Ціма Данкана.

Лідар – Карым Абдул-Джабар, у якога 1228 вікторый у НБА. Каб перабіць гэты лік, Леброну неабходна перамагчы яшчэ 70 раз у сваёй кар'еры.

«Лос-Анджэлес» займае пятае месца ў Заходняй канферэнцыі з 11 перамогамі ў 18 сустрэчах.

Леброн Джэймс – адзін з самых высокааплатных спартоўцаў у гісторыі са шматмільённымі кантрактамі ад «Лос-Анджэлес Лэйкерз» і рэкламадаўцаў.

Дзейнае пагадненне 39-гадовага Джэймса з гэтым клубам прымеркаванае да 2026 года з заробкам $101,35 млн.

Джэймс – чатырохразовы чэмпіён НБА, чатыры разы ён прызнаваўся самым каштоўным гульцом (MVP) фіналу. Акрамя таго, Леброн тройчы перамагаў залатыя медалі Алімпіяды (2008, 2012, 2024).

У кастрычніку 2024-га Леброн выйшаў на паркет у афіцыйным матчы НБА разам са сваім сынам Броні. Гэтая падзея стала першай у гісторыі баскетболу.

Броні гуляе на пазіцыі абаронцы, а 30 кастрычніка змог набраць свае першыя балы за «Лэйкерз» у матчы супраць «Кліўленда».