У Менску з'явіцца новая гандлёвая сетка

• 29.11.2024, 14:47

Яна прадае «эмацыйныя тавары».

У Беларусі ў наступным годзе пачнуць адкрываць крамы расейскай гандлёвай сеткі Modi. Пра гэта піша расейскае выданне РІА Навіны.

У 2025 годзе расейская сетка крам Modi плануе адкрыць 100 новых месцаў і выйсці на рынкі Беларусі і Арменіі. Гэты рытэйлер характарызуюць сябе як брэнд «эмацыйных тавараў».

Асартымент уключае 14 катэгорый тавараў: ад прадукцыі для дома і кухні да касметыкі, аксесуараў, цацак, спартыўных тавараў, адзення і прадуктаў харчавання. Фактычна гэта расейскі аналаг сеткі Miniso, якая прысутнічае ў нашай краіне.

Modi працуе з 2017 года. Зараз у 56 гарадах Расеі адкрыта больш за 170 крам.