Шольц раскрыў дэталі свайго званка Пуціну

• 29.11.2024, 14:53

У размове з прэзідэнтам Украіны Зяленскім.

Прэзідэнт Украіны Уладзімір Зяленскі правёў тэлефонную размову з канцлерам Нямеччыны Олафам Шольцам. Абмеркавалі нядаўні званок апошняга расейскаму дыктатару Уладзіміру Пуціну.

Пра гэта паведамляе РБК-Украіна са спасылкай на Telegram-канал прэзідэнта Украіны.

Падчас размовы Зяленскі падзякаваў Шольцу за лідарства ў падтрымцы Украіны сістэмамі супрацьпаветранай абароны (СПА). Вітаў гатоўнасць Бэрліна і далей падтрымліваць Кіеў. У тым жа ліку стораны абмеркавалі:

двухбаковыя крокі і крокі партнёраў у пытанні ўзмацнення Украіны;

званок Шольца Пуціну.

Як адзначыў Прэзідэнт Украіны, ціск на Расею павінен узмацняцца, каб прымусіць ворага да міру.

«Відавочна, што толькі сіла зброі і сіла дыпламатыі разам могуць прымусіць вінаватага вайны да міру, і што мір магчымы толькі дзякуючы сіле», - дадаў ён.