Вытворца абутку «Марка» будзе выпускаць віскі

• 29.11.2024, 16:41

Алкагольны напой маюць намер прадаваць у Кітай.

У холдынгу «Марка» з'явіўся новы праект, не звязаны з асноўнай дзейнасцю. Пра гэта паведамляе выданне «Віцьбічы».

У Віцебску, на базе бровара «Дзвінскі бровар», які належыць уладальнікам абутковага холдынгу, адкрылі вытворчасць белага віскі. Гэты праект можа ўвайсці ў ініцыятыву «Адзін раён - адзін праект», заявіў заснавальнік кампаніі Мікалай Мартынаў.

Віскі будзе называцца «Bortnik 24». Новую прадукцыю, а таксама піва прасоўваюць ужо ў Кітаі.