Якія зніжкі прапануюць менскія ўнівермагі ў выходныя

• 29.11.2024, 20:41

Да 70 адсоткаў.

На 30 лістапада і 1 снежня сталічныя ўнівермагі абвясцілі скідкі да 70%.

Ужо можна і да Новага года пачаць рыхтавацца, і заскочыць у апошні вагон з сезоннымі набыткамі.

Спойлер – самую вялікую зніжку даюць у гандлёвым доме «На Нямізе».

ЦУМ

Пачнем рухацца з плошчы Якуба Коласа. Першы пункт «зніжкавага» маршруту – ЦУМ. Тут выгадна пачаць набываць можна ўжо ў пятніцу, 29 лістапада.

Ажно да нядзелі, 1 снежня, універмаг дае сваім пакупнікам зніжкі да 60 адсоткаў на набыццё нехарчовых тавараў коштам ад Br7 за штуку або метр.

Буйнагабарытную бытавую тэхніку ў гэтыя дні можна набыць танней на 15 адсоткаў.

ГУМ

У цэнтры беларускай сталіцы размяшчаецца адзін з найстарэйшых універмагаў горада – ГУМ. Тут 30 лістапада і 1 снежня абвешчана пра зніжэнне коштаў да 50%.

Менш будзе каштаваць толькі прадукцыя вылучанага асартыменту нехарчовых тавараў ад Br7 за адзінку.

Максімальныя зніжкі даюць на жаночае адзенне, дэкаратыўную і доглядавую касметыку.

ГД «На Нямізе»

Ва ўнівермагу ў самай гістарычнай мясцовасці сталіцы можна выгадна набыць у гэтыя выхадныя, напрыклад, ровар. Добры варыянт, калі даўно хацелася і яго ёсць дзе захоўваць.

А ўвогуле 30 лістапада і 1 снежня тут дзейнічаюць зніжкі ад 5 да 70% на некаторыя віды і катэгорыі тавараў. Часцей за ўсё тут назіраецца дысконт 40%.

Выгадней за ўсё набыць тут парфуму і касметыку асобных брэндаў.

ГЦ «Кiрмаш»

Ва ўсіх крамах «Кiрмашу» таксама ўжо з пятніцы, 29 лістапада, можна набыць тавары са зніжкамі ад 15 да 55%. Вось на што:

да 55% – на жаночае адзенне

да 50% – на ювелірныя вырабы, парфуму і касметыку

да 40% – на абутак і гадзіннікі

да 35% – на мужчынскае адзенне, галантарэю, тавары для дома, хатні тэкстыль і кераміку

да 30% – на бялізну, панчошна-шкарпэткавыя вырабы і мэблю

да 15% – на тавары для дзяцей.