Прэм'ер Румыніі Чолаку заявіў, што не будзе прадаўжаць прэзідэнцкую гонку

• 29.11.2024, 21:01

Нягледзячы на пералік галасоў у першым туры.

Прэм'ер-міністр Румыніі Марчэл Чолаку заявіў, што здымаецца з прэзідэнцкай гонкі нягледзячы на пералік галасоў у першым туры. Пра гэта ў пятніцу, 29 лістапада, паведаміла выданне Romania Insider.

Сярод іншага, журналісты спыталі прэм'ера, ці не ён стаіць за запытам аб пераліку галасоў паводле вынікаў першага тура выбараў. Журналісты заявілі, што ягоны разрыў з праеўрапейскай кандыдаткай Аленай Ласконі складае толькі сотыя часткі адсотка: яна атрымала 19,17% і прайшла ў другі тур, а ён – 19,15%.

Затое Чолаку заявіў, што нягледзячы на любое развіццё падзей ён усё роўна выходзіць з гонкі.

«Я не хачу другога месца! Мне ўсё роўна. Я проста хачу, каб румыны ведалі праўду, якая важнейшая за маю кандыдатуру», – сказаў ён.

Чолаку заявіў, што цяпер ён больш засяроджаны на парламенцкіх выбарах, якія павінны адбыцца 1 лістапада і могуць яму другі раз прынесці пасаду прэм'ера.

«Сваім калегам і ўсім сумленным і працавітым румынам я кажу: 1 снежня – першае месца на парламенцкіх выбарах азначае, што будучы ўрад будзе мець прэм'ер-міністра», – сказаў ён.