У Менску Toyota перакулілася на поўным ходзе

• 29.11.2024, 21:27

ДАІ паказала відэа.

Аўтамабіль Toyota перакуліўся на сталічным праспекце Дзяржынскага ўвечары 29 лістапада. ДАІ апублікавала відэа аварыі.

ДТЗ адбылося блізу 17.10. 37-гадовая кіроўца Toyota на скрыжаванні праспекта Дзяржынскага з вуліцай Шчорса рэзнулася ў Renault, які спыніўся ў крайняй левай паласе, пасля чаго японец перакуліўся.

Кіроўцу Toyota з месца аварыі забралі медыкі. Яе даставілі ў лякарню на абследаванне.