УСУ падвойным удараў HIMARS распляжылі ЗРК і дэсантнікаў РФ

• 3.11.2024, 13:23

У Херсонскай вобласці і на Данбасе.

Сілы абароны Украіны з дапамогай рэактыўнай сістэмы HIMARS нанеслі два балючыя ўдары па УС РФ на Херсоншчыне і Данбасе.

У канцы кастрычніка - пачатку лістапада ўкраінскія сілы накрылі важныя цэлі УС РФ на Паўднёвым і Усходнім франтах з дапамогай рэактыўных сістэм залпавага агню HIMARS.

У акупантаў цяжкія страты

Аб «двайным удары» HIMARS распавёў у Telegram вядомы расейскі рэсурс «Досье Шпиона», які мае сувязі ва УС РФ.

Першая атака з ужываннем HIMARS была ажыццёўленая ў мінулую сераду, 30 кастрычніка. УСУ накрылі дзвюма ракетамі месца размяшчэння 104-га дэсантна-штурмавога палка ПДВ Расеі з Пскоўскай вобласці. Знаходзіліся акупанты ў Скадоўску, што на акупаванай Херсоншчыне.

Па выніку аперацыі былі знішчаныя 11 расейскіх вайскоўцаў, яшчэ 14 атрымалі раненні і страцілі баяздольнасць.

Другі ўдар адбыўся ўжо ў пятніцу, 1 лістапада. УСУ нанеслі ўдар па разліку зенітна-ракетнага комплексу «С-300/С-400» ля населенага пункта Моспіна, што ў акупаванай частцы Данецкай вобласці.

«Досье Шпиона» сцвярджае, што пры нападзе выкарыстоўваліся 6 ракет ATACMS, з якіх расейцы перахапілі толькі палову.

Астатнія прыляцелі па цэлі. 2 расейскія акупанты сталі «грузам 200», яшчэ 12 атрымалі раненні.