СМІ: Пуцін пачаў будаваць паралельны Крымскі мост

• 3.11.2024, 15:25

З’явіліся звесткі спадарожнікавай здымкі.

Краіна-агрэсарка Расея каля незаконнага Крымскага моста вядзе будаўніцтва паралельнай пераправы, а таксама абарончых збудаванняў. Расейскія акупанты імкнуцца абараніць «сакральны» мост дыктатара Уладзіміра Пуціна ад удараў марскіх і іншых дронаў, а таксама ракет.

Пра гэта паведамляе Telegram-канал «Крымскі вецер», спасылаючыся на звесткі спадарожнікавай здымкі. Апублікаваныя кадры зафіксавалі працэс будаўніцтва абарончых збудаванняў ля Керчанскага моста.

Уздоўж паўночна-заходняй часткі моста з боку Крыма відаць будаўніцтва паралельнага моста, а таксама абарончых збудаванняў.

У паўднёва-ўсходняй частцы Керчанскага моста ля Таманскага паўвострава таксама ідзе будаўніцтва.

«Расейцы імкнуцца абараніць мост ад удараў марскіх дронаў, БПЛА і ракет», – піша «Крымскі вецер».