«Як гаворыцца, добра захавалася»

• 3.11.2024, 20:26

Беларуска адзначыла круглую дату і спытала ў карыстальнікаў, ці здагадваюцца яны, колькі ёй гадоў.

Карыстальніца TikTok @anna_zhudro родам з Беларусі, але зараз жыве ў Польшчы. Нядаўна яна адзначыла свой дзень нараджэння і да свята зняла невялікае відэа. У ім жанчына выказала меркаванне, што карыстальнікі ніколі не здагадаюцца, колькі ёй гадоў, і расказала, як ёй удаецца так выглядаць, перадае «Зеркало».

- Перад вамі беларуска, якая нядаўна адзначыла свой дзень нараджэння, але вы дакладна не здагадаецеся, колькі ёй гадоў, - пачала сваё відэа Ганна. - Пару тыдняў таму мне споўнілася 40 гадоў, і я іх правяла ў Рыме.

Мяркуючы са слоў Ганны, да догляду за сабой яна ставіцца без фанатызму. Жанчына фарбуе валасы, але не робіць касметычныя працэдуры. Ад макіяжу не адмаўляецца, але выкарыстоўвае яго толькі, "каб падкрэсліць дэталі".

- Пра ботакс наогул маўчу, што ў гэтым прыгожага? - кажа яна. - Карыстаюся рознымі маскамі. Ніякай дыеты не пільнуюся. Ем тое, пасля чаго адчуваю сябе камфортна.

Ганна кажа, што не хавае свой узрост.

- У мяне ёсць дачка, якой 13 гадоў, і мы з ёй сапраўдныя сяброўкі, - адзначыла жанчына.

У іншым відэа яна прызналася, што ўсе, хто даведаюцца пра яе ўзрост, проста ў шоку.

- Як гаворыцца, добра захавалася, - пажартавала яна ў адным і сваіх допісаў. - На працы сёння сказалі, ніколі ў жыцці б табе столькі гадоў не далі.

Прыемна. Працягваем у тым жа духу.

Яшчэ ў адным з відэа, дзе Ганна пісала, што праз тыдзень ёй сорак і задавалася пытаннем: "Пачынаць святкаваць ці бедаваць?", у каментарах ёй адназначна адказалі: "Святкаваць, што так добра захаваліся".