ЗША прафінансавалі 800 мабільных груп ва Украіне

• 3.11.2024, 21:08

З пачатку года яны збілі больш за 200 дронаў.

ЗША прафінансавалі стварэнне ва Украіне 800 мабільных агнявых груп, якія збіваюць расейскія дроны. Пра гэта 3 лістапада ў Х паведаміла амбасадарка ЗША ва Украіне Брыджыт Брынк.

"Мабільныя агнявыя групы Нацгвардыі Украіны і Дзяржаўнай памежнай службы Украіны ратуюць жыцці сваёй паспяховай працай, абараняючы людзей і крытычную інфраструктуру ад нападу з боку Расеі", - напісала амерыканская дыпламатка.

Брынк выказала гонар, што Бюро Дзярждэпартамента ў пытаннях міжнароднай барацьбы з наркотыкамі і праваахоўнай дзейнасці "прафінансавала 800 такіх груп, якія з 1 студзеня 2024 года збілі больш за 200 дронаў".