Z-прапагандысты загаварылі пра страту Расеяй базы ВМФ у Сірыі

• 30.11.2024, 11:18

Імклівы наступ паўстанцаў шакаваў расейцаў.

Імклівы наступ сірыйскіх паўстанцаў у Сірыі выклікае сур'ёзны непакой у расейскіх прапагандыстаў. Пасля ўзяцця спаборнікамі дыктатарскага рэжыму Асада горада Алепа Z-каналы пачалі пісаць пра пагрозу для расейскай ваенна-марской базы ў Тартусе, паведамляе «Дыялог.UA».

Адзін з расейскіх каналаў піша, што імклівы наступ паўстанцаў, «прамы ўдзел турэцкіх вайскоўцаў» і тое, як слаба праявілі сябе войскі Асада, якія бягуць са сваіх пазіцый пад націскам узброенай апазіцыі, ставіць пад пытанне наяўнасць у Расеі базы ВМФ у Тартусе.

Прапагандысты прызнаюць, што праз вайну супраць Украіны ў РФ няма рэсурсаў для перакідання сілаў у Сірыю, нават для абароны адной толькі базы ў Тартусе.

«Калі толькі салдатаў тэрміновай службы задзейнічаць... Паглядзім, як усё будзе развівацца, але рызыка цалкам рэальная і расце», – дакарае Z-канал.