ГУВ падбіла адразу тры РЛС расейцаў у Крыме

• 30.11.2024, 11:30

Украінскія выведнікі раскрылі дэталі аперацыі.

Украінскія выведнікі падбілі адразу тры радыёлакацыйныя станцыі (РЛС) акупантаў. Аперацыя была праведзеная ў Крыме 29 лістапада.

Пра гэта паведамляе прэс-служба ГУВ.

«29 лістапада 2024 года ў выніку аперацыі ГУВ МА Украіны ў часова акупаваным Крыме нанесеныя паспяховыя ўдары па дарагіх радыёлакацыйных комплексах Расеі», – гаворыцца ў паведамленні.

Паводле звестак выведнікаў, падбітыя:

РЛС «Каста-2Е2» – 1 шт;

РЛС «Падлёт» – 2 шт.

У ГУВ канстатуюць, што агнявая праца па ваенных аб'ектах расейскіх акупантаў прадаўжаецца.