УСУ за ноч збілі паўсотні расейскіх дронаў

• 4.11.2024, 11:13

Яшчэ 27 «лакацыйна страчаныя» ў розных рэгіёнах Украіны.

Уночы 4 лістапада расейскае войска атакавала Украіну ракетамі, авіябомбамі і беспілотнікамі. Аб гэтым паведамілі Паветраныя сілы Узброеных сіл Украіны.

Акупанты выпусцілі балістычную ракету "Іскандэр-М" з Растоўскай вобласці РФ, а таксама 80 ударных дронаў Shahed ды іншага тыпу з Бранска, Курска і Краснадарскага краю.

На 8.30 ва УС пацвердзілі збіццё 50 расейскіх БЛА. Яшчэ 27 лакацыйна страчаныя ў розных рэгіёнах Украіны.

Супрацьпаветраная абарона працавала ў Кіеўскай, Сумскай, Адэскай, Херсонскай, Мікалаеўскай, Жытомірскай, Чаркаскай, Чарнігаўскай і Кіраваградскай абласцях, гаворыцца ў ранішняй справаздачы.