У Менскім раёне жанчына загінула, падавіўшыся чырвонай ікрой з тварагом

• 5.11.2024, 9:53

Апублікаваны вынікі экспэртызы.

Паджылая жыхарка Менскага раёна загінула, задушыўшыся чырвонай ікрой з тварагом, паведамілі ў прэс-службе Дзяржкамітэта судовых экспэртыз (ГКСЭ).

Трагічны выпадак здарыўся ў канцы ліпеня. У "хуткую" паступіла паведамленне, што 84-гадовай жанчыне стала дрэнна падчас ежы, яна страціла прытомнасць.

Прыбыўшыя медработнікі канстатавалі смерць вяскоўкі. Для ўстанаўлення дакладнай прычыны смерці прызначылі экспэртызу.

«Медыцынскім судовым экспертам устаноўлена наяўнасць у дыхальных шляхах загінулай харчовых мас, у склад якіх уваходзілі чырвоная ікра і тварог. Згодна з высновамі судовага экспэрта смерць жанчыны наступіла ў выніку механічнай асфіксіі ад закрыцця дыхальных шляхоў харчовымі масамі», - паведамілі ў ГКСЭ.