Памёр журналіст Вадзім Доўнар

• 5.11.2024, 16:03

У апошнія гады ён моцна хварэў.

Сёння памёр беларускі журналіст Вадзім Доўнар, паведаміла блогерка Алена Васільева.

«Вадзім Доўнар памёр. Ён быў сумленным журналістам, які ніколі не ішоў на кампраміс з сабой. Сапраўдным сябрам. Ён вельмі любіў Украіну, вельмі заўзеў за Беларусь. Дзякуй кожнаму, хто дапамог Вадзіму», - напісала яна ў Фэйсбуку.

Вадзім Доўнар нарадзіўся ў 1976 годзе ў Менску, скончыў факультэт журналістыкі БДУ. Працаваў у БДГ, на Радыё Рацыя, у «Беларускай газеце», расейскім «Коммерсанте», на ўкраінскім тэлеканале ATR. Быў адміністратарам тэлеграм-канала Мікалая Аўтуховіча “Да Волі”.

Год таму Вадзіму паставілі дыягназ, лячэнне якога патрабавала трансплантацыі печані. Для аперацыі быў абвешчаны дабрачынны збор сродкаў.