Свёнтэк саступіла Гаўф на выніковым турніры WTA

• 5.11.2024, 20:28

Сабаленка захавае статус першай ракеткі свету паводле вынікаў 2024 года.

У другім туры «аранжавай» групы на выніковым турніры ВТА ў Эр-Рыядзе полька Іга Cвёнтэк (2) саступіла амерыканцы Коры Гаўф (3) з лікам 3:6, 4:6.

Такім чынам, незалежна ад зыходу іншых матчаў турніру Cвёнтэк ужо не зможа дагнаць у балах Арыну Сабаленку. Беларуска заваявала статус першай ракеткі свету паводле вынікаў 2024 года.

Тым самым Сабаленка паўтарыла дасягненне суайчынніцы Вікторыі Азаранкі, якая стала першай у сусветным рэйтынгу паводле вынікаў 2012 года.