Зяленскі павіншаваў Трампа з уражальнай перамогай на выбарах

• 6.11.2024, 11:21

Афіцыйна.

Прэзідэнт Украіны Уладзімір Зяленскі павіншаваў Дональда Трампа з уражальнай перамогай на прэзідэнцкіх выбарах у ЗША.

Пра гэта паведамляе «24 канал».

"Віншую Дональда Трампа з уражальнай перамогай на выбарах!", - напісаў Зяленскі і нагадаў аб сустрэчы з Трампам у верасні, калі яны абмеркавалі стратэгічнае партнёрства паміж ЗША і Украінай, план перамогі, а таксама шляхі завяршэння поўнамаштабнай вайны.

Прэзідэнт Украіны дадаў, што цэніць прыхільнасць рэспубліканца да падыходу "мір праз сілу", які "можа рэальна наблізіць справядлівы мір ва Украіне".

Са слоў Зяленскага, Украіна чакае «эпоху моцных ЗША» пад рашучым кіраўніцтвам Трампа і разлічвае на далейшую «магутную двухпартыйную падтрымку Украіны».

"З нецярпеннем чакаю магчымасці асабіста павіншаваць прэзідэнта Трампа і абмеркаваць шляхі ўмацавання стратэгічнага партнёрства Украіны з ЗША", - заявіў Зяленскі.