«А хіба яе не для гэтага стваралі?»

• 6.11.2024, 11:44

Беларусы паказалі новы спосаб ужывання Tesla.

У TikTok апублікавалі ролік, у якім паказалі альтэрнатыўны спосаб выкарыстання амерыканскага аўта Tesla. Магчыма, дзіўны для жыхароў Штатаў, але зусім не для беларусаў, піша telegraf.news.

Так, капот і багажнік Tesla на роліку загрузілі бульбай. "Бачыш як, заляцела са свістам. Так, Феліксавіч, я думаў, паўтоны не зойдзе, прыйдзецца прычэп які браць ці што", - сказаў на відэа мужчына.

Цяпер бульбавоз не B3 [Volkswagen Passat], а Tesla! - напісаў каментатар.

"Эх, што там паўтоны, ва ўніверсал і 1,5 з лішкам заляціць", – выказаў меркаванне іншы.

"Ілон Маск у шоку", - пажартаваў трэці.

Яшчэ адзін карыстач параіў для перавозкі бульбачкі выкарыстоўваць Tesla Cybertruck: Там багажнік большы.

А падвеска каштуе, як іх агульны ўраджай за 30 гадоў, паспрабаваў палічыць іншы юзэр.

"А хіба яе [Tesla] не для гэтага стваралі?" - спытаў трэці.