«Калі расейцы закрануць Трампа, ён разыдзецца на ўсе застаўкі»

• 6.11.2024, 15:09

Падзеі могуць пайсці па нявыгадным для Крамля сцэнары.

Дональд Трамп, які перамог на прэзідэнцкіх выбарах у ЗША, не разглядае пытанне Расеі сваёй першачарговай задачай, расказаў у эфіры Radio NV палітолаг, экспэрт-міжнароднік Максім Нясвітайлаў.

«Трамп засяроджаны больш на геапалітычным супрацьстаянні з Кітаем. Ён мяркуе, што трэба разабрацца з імі, а астатняе - гэта другарадныя задачы. І дзесьці можна і ўкраінскімі інтарэсамі ахвяраваць, дзесьці магчыма, калі давядзецца, ізраільскімі інтарэсамі. Але галоўнае - нанесці паразу Кітаю. І калі для гэтага трэба дзесьці ахвяраваць украінскімі інтарэсамі, каб Расейская Федэрацыя з Кітаем не збліжалася, гэта дапушчальны сцэнар», - кажа палітолаг.

У той жа час ён дадае, што прэзідэнцтва Трамп можа не быць выгадным для РФ:

«Выглядае так, што ў іх галавакружэнне ад поспеху. Яны праводзяць паспяховыя наступальныя аперацыі на лініі фронту, гэта варта прызнаць. Яны міжнародную кампанію паспяхова правялі - спачатку з візітам у Манголію, потым з самітам БРІКС у Расеі, з візітам туды Гутэрэша. Суб'ектывацыя Пуціна, ягоная легітымацыя на міжнародным узроўні набірае абароты. Таму яны могуць недзе занадта паверыць у сябе і не спрабаваць перахітрыць Трампа, а паспрабаваць націснуць на яго. У такім выпадку, станоўчым для нас, ён можа вельмі моцна пакрыўдзіцца, прынцыпова гэта ўспрыняць і разысціся на ўсе застаўкі. Вельмі хацелася, каб менавіта згодна з такім сцэнаром развіваліся падзеі».