МАЗ зноў загарэўся ў Расеі

• 6.11.2024, 15:31

Пажар адбыўся ў Кранштаце.

Беларускі аўтобус МАЗ зноў загарэўся ў Расеі. Гэтым разам пажар адбыўся ў Кранштаце.

Відавочцы выклалі фота і відэа ў сацсетках. Мяркуючы з відэа, пажар пачаўся ў маторным адсеку, затым полымя ахапіла ўвесь аўтобус. На адным з відэа выразна бачны нумар аўтобуса - М961МО198. Гэта МАЗ-203, які належыць перавозчыку "Трэці парк".

Гарачыя МАЗы - нярэдкая з'ява ў Санкт-Пецярбургу. У 2023 годзе ў горадзе на час прыпынялі эксплуатацыю аўтобусаў МАЗ праз частыя ўзгаранні.