У Гародні на аўкцыён выставілі воданапорную вежу

• 6.11.2024, 19:19

У ёй можна адкрыць кавярню ці краму.

На аўкцыён выставілі воданапорную вежу ў завулку Фолюш у Гародні.

У Гародні на аўкцыён выставілі воданапорную вежу - у ёй можна адкрыць кавярню або краму.

Збудаванне, якое знаходзіцца ў спальным раёне горада, пабудавалі ў канцы 1960-х гадоў, каб абслугоўваць былое вайсковае мястэчка. Цяпер вежа не выкарыстоўваецца.

Пачатковы кошт лота - 90 878 рублёў (блізу $27 тысяч). Бонусам да пабудовы ідзе надзел зямлі памерам 3 соткі.

Правесці мадэрнізацыю ці рэканструкцыю вежы, а таксама ўвесці яе ў строй трэба за тры гады.

Аўкцыён запланаваны на 12 снежня.