УСУ ўпершыню пашкодзілі расейскую флатылію ў Каспійску: наступствы

• 7.11.2024, 12:24

У ВМС Украіны патлумачылі, чым важны гэты ўдар.

Учора, 6 лістапада, дроны Галоўнай управы выведкі Мінабароны Украіны ўпершыню ўдарылі па расейскай флатыліі ў Каспійскім моры, якое звязана каналам з Азоўскім морам. Са слоў прадстаўніка Ваенна-марскіх сіл УСУ, капітана 3-га рангу Дзмітрыя Плеценчука, адтуль вораг перакідвае баявыя караблі па ўнутраным канале і наносіць удары з паветра.

Вайсковец расказаў, што Каспійскае мора - адна з пяці лакацый, дзе базуецца ваенна-марскі флот РФ.

«Агулам мяркуецца, што ў іх ёсць чатыры флоты і флатылія. Для нас гэты басейн важны тым, што Азова-Чарнаморскі рэгіён, Азоўскае мора мае злучэнне з Каспіем. Гэта Волга-Данскі суднаходны канал, і былі факты, калі яны перакідвалі ў абодва бакі некаторыя адзінкі», - распавёў спікер у эфіры тэлемарафону.

Паводле ягоных звестак, у Каспійскім моры таксама ёсць расеійскія платформы з ракетаносьбітам, якія могуць запускаць марскія ракеты тыпу "Калібр". У той жа час пакуль няма пацверджанай інфармацыі аб абстрэлах Украіны з выкарыстанн караблёў, якія знаходзяцца ў Каспіі.

«Каспійскае мора яны (расейцы - рэд.) часцей выкарыстоўваюць для нанясення ўдараў менавіта з паветра. Гэта значыць яны заходзяць у гэтую акваторыю спецыяльна і адтуль у іх пускавыя рубяжы для таго, каб абстрэльваць Украіну. Робяць яны гэта, хутчэй за ўсё, для таго, каб у выпадку няштатнага сходу старэнькіх дастаткова ракет выключыць страты сярод уласнага цывільнага насельніцтва», - распавёў Плецянчук.