Лукашэнка вызваліў 31 палітвязня

• 7.11.2024, 18:27

Дзвюх жанчын і 29 мужчын.

Аляксандр Лукашэнка прыняў пастанову аб «памілаванні» 31 чалавека, асуджанага за «злачынствы экстрэмісцкай накіраванасці», паведамляе яго прэс-служба.

Сярод «памілаваных» - дзве жанчыны і 29 мужчын.

«17 маюць хранічныя захворванні, 3 з'яўляюцца інвалідамі, дзеці ёсць у 27 асуджаных, з іх 7 — шматдзетныя», — гаворыцца ў паведамленні.

Іх прозвішчы не называюцца. Адзначаецца, што яны вызваленыя ад асноўнага пакарання без зняцця судзімасці, а МУС «забяспечыць кантроль за іх правапаслухмянымі паводзінамі».