ЗША перакінулі на Блізкі Усход F-15E

• 7.11.2024, 18:38

Праз планы Ірана атакаваць Ізраіль.

ЗША накіравалі свае знішчальнікі F-15 на Блізкі Усход. Прычынай з'яўляюцца планы Ірана нанесці новы ўдар па Ізраілю.

Пра гэта паведамляе The Times of Israel.

Паводле непацверджаных звестак, сама меней 12 знішчальнікаў F-15E накіроўваліся ў Ярданію. Там яны далучацца да іншых амерыканскіх знішчальнікаў.

Раней іранскія чыноўнікі неаднаразова заяўлялі аб тым, што іх краіна адкажа на ўдар Ізраіля 26 кастрычніка, калі былі знішчаныя сістэмы СПА Ірана і не толькі.

The Times of Israel піша, што ўдар Ірана можа адбыцца ўжо на гэтым тыдні.