Украінскі экспэрт: Трэба быць гатовымі да таго, каб вытрымаць год без падтрымкі ЗША і паловы ЕЗ

• 8.11.2024, 9:54

Наступствы зразумелыя, але не трэба думаць, што "ўсё прапала".

Украінскі журналіст, галоўны рэдактар BlackSeaNews Андрэй Кліменка ацаніў новую міжнародную сітуацыю і даў прагноз на найбліжэйшы год:

- Ужо казаў нядаўна на некалькіх закрытых абмеркаваннях, скажу цяпер тут: нам трэба быць гатовымі да таго, каб вытрымаць год без ЗША і без паловы ЕЗ (у сэнсе падтрымкі ўзбраеннем і фінансамі, а таксама санкцыйнымі пастановамі).

Наступствы зразумелыя, хаця і не трэба думаць, што «ўсё прапала».

Гэтага можа і не адбудзецца, але быць гатовымі трэба заўсёды.

Ну і, вядома, ні пра якую капітуляцыю і "перамовы" гаворка не ідзе - гэта мокрыя мары ворагаў і "міжнароднай кааліцыі спалоханых".

Зараз у СМІ будзе яшчэ больш перадрукаў на гэтыя тэмы з заходніх укідаў, чым было - не звяртайце ўвагі.