Расейскія «ваенкары» зладзілі фотасесію з уласным знішчаным Т-90М «Прарыў»

• 8.11.2024, 20:41

Яны думалі, што гэта Leopard 2.

Расейскія акупанты прынялі свой жа танк за нібы знішчаны Leopard 2 і зрабілі радасныя фота на фоне тэхнікі РФ.

Відэа ад расейскага ваенкара апублікаваў журналіст Дзяніс Казанскі, паведамляе «Новы час».

Расейскія прапагандысты ў полі ўбачылі знішчаны танк і адразу ж зладзілі каля яго відэа і фотасесію. Большую частку роліка яны смяюцца з танка, маўляў, у яго замест дынамічнай абароны сілікатная цэгла.

Ужо ў сярэдзіне відэа яны прыходзяць да высновы, што гэта нібыта Leopard 2. Аднак пасля больш дэталёвага вывучэння корпуса знаходзяць маркіроўку на кірыліцы і разумеюць, што гэта расейскі Т-90М «Прарыў».

«Не, я ведаю, што ў расейскіх акупантаў ёсць фетыш фатаграфавацца насупраць сваёй жа знішчанай тэхнікі і рабіць выгляд, што гэта скрушаная тэхніка NATO, але тут… Гэта крынж найвышэйшага пілатажу», – пракаментаваў украінскі вайсковы аглядальнік Аляксандр Каваленка.