Відэафакт: Новы ўкраінскі карвет «Іван Мазэпа» правёў стралянне ў моры

• 9.11.2024, 14:13

Яно прайшло «на выдатна».

Украінскі карвет «Іван Мазэпа», які для ВМС УСУ дабудоўваецца на адной з турэцкіх карабельняў, ізноў выйшаў у мора на чарговыя выпрабаванні.

Як паведаміў начальнік украінскага Вайскова-марскога флоту Аляксей Неіжпапа, гэтым разам экіпаж карабля ажыццявіў артылерыйскую страляніну.

Яна прайшла "на выдатна" — былі збітыя надводныя, паветраныя і берагавыя цэлі. Як адзначыў Неіжпапа, карабель абсталяваны сучаснымі тыпамі ўзбраенняў, што паляпшае яго баяздольнасць.

На турэцкіх вайсковых карабельнях улічылі заўвагі ўкраінскіх маракоў і ўзмацнілі карабель дадатковымі сістэмамі СПА, што вельмі важна ў цяперашніх рэаліях.