«У Трампа ёсць зацікаўленасць, каб Ізраіль нанёс знішчальны ўдар па Іране»

• 9.11.2024, 15:15

Асабліва ў святле таго, што Тэгеран двойчы арганізоўваў на яго замах.

У будучага прэзідэнта ЗША Дональда Трампа ёсць цікавасць, каб Ізраіль нанёс знішчальны ўдар па Іране. У той жа час, ён хоча, каб вайна на Блізкім Усходзе скончылася да яго інаўгурацыі.

Пра гэта ў каментары YouTube-каналу РБК-Украіна распавёў галоўны рэдактар «Найлепшага радыё Ізраіль» Цві Зільбер.

«Мяркуючы з публікацый, у Трампа ёсць цікавасць, каб Ізраіль нанёс знішчальны ўдар па Іране. Трамп не любіць Іран. Асабліва ў святле таго, што Іран двойчы арганізоўваў на яго замах. Трамп гэта чалавек, які такія рэчы не даруе», - сказаў Зільбер.

Ён адзначыў, што, у адрозненне ад адміністрацыі Байдэна, Трамп падтрымлівае ўдары па іранскіх ядзерных і нафтавых аб'ектах.

З іншага боку, са слоў журналіста, Трамп хоча, каб Ізраіль скончыў вайну да яго інаўгурацыі.

«Ён не хоча атрымаць гэтую вайну ў спадчыну, ён хоча прыйсці ў Белы дом ужо пасля яе заканчэння, калі далейшы лёс Блізкага Усходу будзе вызначацца на міжнародным узроўні. Тады Трамп падаспее са сваёй моцай і патэнцыялам ЗША», - адзначыў ён.