Брытанская разведка: У Расеі рэкордныя страты

• 9.11.2024, 16:16

Шакавальныя лічбы.

Паводле звестак міністр абароны Вялікай Брытаніі Джона Гілі, у кастрычніку 2024 года страты расейскіх войскаў у жывой сіле на полі бою ва Украіне дасягнулі новага максімуму.

"Апошнія звесткі брытанскай вайсковай разведкі паказваюць, што сярэднясутачныя страты расейцаў (забітымі і параненымі) ва Украіне ў кастрычніку дасягнулі новага максімуму, склаўшы 1354 чалавекі ў дзень", – сказаў ён у інтэрв'ю The Telegraph.

Гэта ўжо другі месяц запар, калі войскі РФ панясуць высокія сярэднесутачныя страты. Адзначаецца, што кастрычнік гэтага года стаў для расейскіх захопнікаў самым вялікім па агульнай колькасці страт з пачатку поўнамаштабнай вайны - 41 980 чалавек.

Паводле звестак вайсковай разведкі Вялікай Брытаніі, папярэдні максімум быў зафіксаваны ў траўні 2024 года і склаў 39110 чалавек у месяц. Усяго ж, паводле ацэнкі Брытаніі, з 24 лютага 2024 года арыентыровачныя страты расейцаў у жывой сіле складаюць больш за 696 тысяч.

На сённяшні дзень Расея траціць 40 працэнтаў свайго бюджэту на абарону, што не выгадна для краіны. Многія аналітыкі ўважаюць, што Пуціну будзе складана падтрымліваць такі ўзровень выдаткаў пасля 2025 года.