Прэзідэнта Бразіліі тэрмінова шпіталізавалі праз кровазліццё ў мозг

• 10.12.2024, 11:34

Яму зрабілі аперацыю.

Прэзідэнта Бразіліі Луіса Інасіу Лулу да Сілву тэрмінова шпіталізавалі праз кровазліццё ў мозг, паведамляецца ў прэс-рэлізе лякарні, паведамляе бразільскае выданне Veya.

Паводле звестак бальніцы Сірыё-Лібанэс, прэзідэнт Бразіліі Луіс Інасіу Лула да Сілва быў дастаўлены ў хірургічную лякарнюю ў панядзелак вечарам, 9 снежня. Праз галаўны боль ён звярнуўся па медыцынскую дапамогу.

МРТ выявіла нутрачарапное кровазліццё - вынік таго, што ў кастрычніку Лула да Сілва ўпаў і стукнуўся патыліцай. Лекар раней ужо папярэджвалі аб пагрозе ўнутранага крывацёку.

У медыцынскім бюлетэні паведамляецца, што прэзідэнт Бразіліі перанёс аперацыю для выдалення гематомы. Са звестак лякарні, аперацыя прайшла паспяхова, і Лула аднаўляецца ў аддзяленні інтэнсіўнай тэрапіі.

Цяпер Лула да Сілва мае 79 гадоў.