Колькі каштуюць салодкія навагоднія падарункі ў 2024 годзе?

• 10.12.2024, 12:24

Кошт стартуе ад 5,59 рублёў.

Колькі каштуюць салодкія навагоднія падарункі? У якую суму можна ўкласціся?

«АіФ» вывучыў навагоднія каталогі асноўных беларускіх вытворцаў. Кошт салодкага падарунка ў асноўным залежыць ад вагі прадукту, складу, выгляду пакавання (кардон, тэкстыльны мяшок і г. д.).

Самая даступная прапанова ў каталогу "Камунаркі" – набор вагой 260 г за 5,59 руб. Адная з самых дарагіх прапаноў - мяккая плюшавую цацка ў выглядзе медзведзяняці або змяі (знак надыходзячага года паводле ўсходняга календара), у камплекце з якімі ідуць 1,5 кг прысмакаў, – 66,5 руб. Набор цукерак вагой 3 кг (без цацкі) - 68,11 руб.

Прыкладна такія ж прапановы і дыяпазон коштаў у "Спартака" – ад 8,19 да 68,1 руб. у залежнасці ад тыпу набору. Ёсць свае наборы ў фабрыкі "Слодыч", "Чырвонага харчавіка" і іншых прадпрыемстваў.