ЗША ўпершыню правялі тэставы перахоп балістычнай ракеты сярэдняй далёкасці

• 10.12.2024, 19:14

Выпрабаванні скончыліся паспяхова.

ЗША ў тэставым рэжыме спрабавалі перахапіць балістычную ракету сярэдняй далёкасці.

Пра гэта сказана ў заяве Пентагона, паведамляе Reuters.

Паводле інфармацыі Мінабароны ЗША, гэта першы паспяховы перахоп балістычнай ракеты сярэдняй далёкасці, які здзейсніла Агенцтва супрацьракетнай абароны ЗША. Выпрабаванні праходзілі каля берагоў вострава Гуам, які знаходзіцца ў заходняй частцы Ціхага акіяна.

Як дадалі ў Пентагоне, такая падзея стала важнай вяхой у развіцці абараназдольнасці вострава Гуам.