У Сірыі паўстанцы спалілі магілу бацькі Башара Асада

• 11.12.2024, 17:30

Маўзалей сірыйскіх дыктатараў падпалілі.

У сераду, 11 снежня, сірыйскія паўстанцы зруйнавалі магілу дыктатара Хафеза Асада, бацькі зрынутага Башара Асада, у родным горадзе сям'і - Кардасе.

Аб гэтым паведамляе BBC.

На відэа, якія апынуліся ў распараджэнні журналістаў, бачна, як узброеныя людзі скандуюць лозунгі, абмінаючы палаючы маўзалей у Кардасе.

Там таксама знаходзяцца магілы іншых сямейнікаў Асада, уключаючы брата Башара Басэля, якога рыхтавалі да перадачы ўлады, пакуль ён не загінуў у аўтакатастрофе ў 1994 годзе.

Раней па ўсёй краіне былі знесеныя статуі і плакаты з выявай Хафеза і яго сына.

Дыктатар Хафез Асад кіраваў Сірыяй з 1971 года да сваёй смерці ў 2000 годзе. Потым улада перайшла да яго сына.