Прэзідэнт Літвы закончыў доўгае фармаванне новага ўраду

• 11.12.2024, 21:58

Новы кабінет міністраў будзе прыведзены да прысягі ў чацвер.

Прэзідэнт Літвы Гітанас Наўседа ў сераду прызначыў міністраў юстыцыі і навакольнага асяроддзя, закончыўшы такім чынам доўгае фармаванне ўраду сацыял-дэмакрата Гінтаўтаса Палуцкаса.

Пра гэта паведамляе LRT.

Новым міністрам юстыцыі стане юрыст Рымантас Мокус, а міністэрства ў пытаннях навакольнага асяроддзя ўзначаліць Павілас Подэрскіс, былы дырэктар адміністрацыі Віленскага гарадскога муніцыпалітэта.

Астатнія 12 міністраў прэзідэнт прызначыў на мінулым тыдні.

Тады ён адхіліў кандыдатуры міністраў юстыцыі і навакольнага асяроддзя, заявіўшы, што кандыдаты не змаглі вызначыць прыярытэты старшынства Літвы ў ЕЗ у 2027 годзе.

Новы кабінет міністраў будзе прыведзены да прысягі ў чацвер пасля таго, як парламент ухваліць новую праграму ўраду.

Міністэрства замежных справаў ва ўрадзе Палуцкаса ўзначаліць Кястуціс Будрыс, які да гэтага часу быў галоўным дарадцам прэзідэнта ў пытаннях нацыянальнай бяспекі. Міністрам абароны ў новым урадзе будзе Давіле Шакаліенэ.