У суботу ў Менску адкрыецца першы ялінкавы кірмаш

• 13.12.2024, 12:32

Сталі вядомыя кошты галоўнага каляднага атрыбут.

На пляцоўцы Менскага лясгаса на вуліцы Баграціёна, 70, у Менску ў суботу адкрыецца першы ялінкавы базар, паведамляе БелТА.

У першы дзень гандлю тут прапануюць пакупнікам не толькі шырокі асартымент калядных дрэў, але і сапраўдную лясную гарбату і мядовы пачастунак.

«Многія дзівяцца, што мы пачынаем так рана гандляваць. Але людзі ўжо тэлефануюць і пытаюцца, калі можна будзе набыць калядныя дрэвы. Самыя нецярплівыя набылі ў нас ялінкі ў гаршка , не сталі чакаць адкрыцця рынку. Так што заўтра чакаем наплыў пакупнікоў», - расказала нам намесніца начальніка арганізацыі ў ідэалагічнай працы Менскага лясгаса Таццяна Бацян.

Дрэва да метра будзе каштаваць у Менскім лясгасе Br20,7, ад метра да двух - Br29, ад двух да трох - Br36,2. Будуць гандляваць і дрэвамі ў гаршках - іх кошт пачынаецца ад Br38,2.

«Мы таксама прапануем шырокі асартымент навагодніх букетаў і ікебан. Апошнім часам яны карыстаюцца падвышаным попытам у менчукоў», - адзначылі ў Менскім лясгасе.

Рынак на Баграціёна, 70 адкрыецца а 10.00 і будзе працаваць штодня да 20.00. Апошні дзень гандлю - 31 снежня.