Баец УСУ збіў расейскую ракету з ПЗРК «Іголка»

• 13.12.2024, 16:53

Апублікаванае эпічнае відэа.

Адну з крылатых ракетаў, якімі расейскія захопніцкія войскі масавана абстралялі Украіну, знішчылі з пераноснага зенітна-ракетнага комплексу «Іголка».

Відэа баявой працы мабільнай агнявой групы Паветранага камандавання «Захад» публікуе ў Telegram Камандаванне паветраных сілаў УСУ. Адзначаецца, што ракету збіў камандзір кулямётнага аддзялення ўзводу аховы Галіцка-Валынскай радыётэхнічнай брыгады малодшы сяржант Уладзімір Пшанічняк:

«Збітая ракета не нанесла шкоды аб'ектам крытычнай інфраструктуры. Месца падзення і рэшткі ракеты знойдзеныя пошукавай групай».

Усяго падраздзяленні супрацьпаветранай абароны і авіяцыя камандавання «Захад» знішчылі 52 крылатыя ракеты паветранага і марскога базавання Х-101/Х-55СМ, «Калібр» і два ўдарныя дроны тыпу «Shahed».