Якім убачыў Менск ангельскі турыст 20 гадоў таму

• 14.12.2024, 22:29

Архіўныя фота пераносяць у атмасферу Менска лета 2004 года.

У пачатку ліпеня 2004 года Менск наведаў ангелец Цім Браўн. Падчас сваёй вандроўкі ён зрабіў серыю фатаграфій, а праз 20 гадоў апублікаваў іх у інтэрнэце, піша “Еўрарадыё”.

Вось як Цім апісвае свае ўражанні ад сталіцы Беларусі:

“Мне даволі спадабаўся Менск. Яго называюць апошняй сталінісцкай краінай у Еўропе з усімі атрыбутамі кшталту КДБ, але для мяне горад цікавы, чысты і акуратны. Там толькі што прайшлі святкаванні 60-й гадавіны Дня Перамогі, таму паўсюль былі савецкія постэры”.

Здымкі Браўна пераносяць нас у атмасферу Менска лета 2004 года, калі па вуліцах яшчэ хадзілі рыжскія трамваі, у таксапарках дамінавалі "Волгі", а па праспекце Пераможцаў хадзілі тралейбусы.

Альбом з 380 фота даступны тут.