Замежныя палітыкі пракаментавалі прэзідэнцкія выбары ў Грузіі

• 14.12.2024, 18:26

Дзейная кіраўніца дзяржавы Саламе Зурабішвілі і апазіцыя вынікі не прызналі.

Замежныя палітыкі каментуюць абранне «Грузінскай марай» прэзідэнтам Міхаіла Кавелашвілі на выбарах, легітымнасць якіх не прызнаюць дзейны кіраўнік дзяржавы Саламе Зурабішвілі і апазіцыя, піша «Рэха Каўказа».

Старшыня камітэта ў замежных справах Бундэстага Нямеччыны Міхаэль Рот (у сацсеткі X)

«Абранне» Міхаіла Кавелашвілі новым прэзідэнтам Грузіі - гэта яшчэ адзін крок да «гляйхшальтунгу» усіх канстытуцыйных інстытутаў краіны. Кіроўная партыя паглыбляе раскол Грузіі, плануе пераварот і хоча знішчыць ліберальную дэмакратыю».

«Легітымны прэзідэнт Грузіі - Саламе Зурабішвілі»

Дэпутат Еўрапарламента Раса Юкнявічэне (у сацсеткі X)

«Сёння ў Грузіі не было сапраўдных выбараў. Тое, што адбылося, было фарсам - як у Расеі, Беларусі і іншых аўтакратыях. Адзінай легітымнай службовай асобай у Грузіі з'яўляецца прэзідэнтка Саламе Зурабішвілі, абраная ў выніку свабодных выбараў. Іванішвілі працягвае захоп дзяржавы».

Старшыня камітэта ў знешніх сувязях парламента Эстоніі Марка Міхкельсон (у сацсетцы X)

«Адзіны законны прэзідэнт Грузіі - гэта Саламе Зурабішвілі».

Альянс лібералаў і дэмакратаў Еўропы (ALDE)

«Мы працягваем прызнаваць законна абранага прэзідэнта Саламе Зурабішвілі і яе дасягненні ў адпаведнасці з артыкулам 78 Канстытуцыі Грузіі ў забеспячэнні поўнай інтэграцыі Грузіі ў ЕЗ і NАТО».