Прэзідэнт Паўднёвай Карэі выявіў непаслушэнства пасля імпічмэнту

• 14.12.2024, 19:09

І паабяцаў «змагацца за сваю палітычную будучыню».

Парламент Паўднёвай Карэі сёння прагаласаваў за абвяшчэнне імпічмэнту прэзідэнту Юну Соку Ёлю, які на мінулым тыдні распачаў няўдалую спробу ўвесці ў краіне ваеннае становішча.

Аднак кіраўнік дзяржавы паабяцаў змагацца за сваю палітычную будучыню, паведамляе Reuters.

«Хоць я зараз спыняюся, падарожжа, якое я прайшоў з людзьмі за апошнія два з паловай гады да будучыні, ніколі не мае спыняцца. Я ніколі не здамся», — заявіў Юн.

Агенцтва піша, што канстытуцыйны суд прыме пастанову аб адхіленні дзейнага кіраўніка дзяржавы на працягу наступных шасці месяцаў. Калі ён будзе адхілены ад пасады, у такім выпадку будуць прызначаныя пазачарговыя выбары.

Reuters таксама адзначае, што Юн з'яўляецца другім запар прэзідэнтам-кансэрватарам Паўднёвай Карэі, якому абвясцілі імпічмэнт. Раней, у 2017 годзе, Пак Кым Хе таксама была адхіленая ад пасады.